Aksjonsdagane over heile landet i år er 06.-08. april 2025. Bygland har eigen aksjonsdag tysdag 08. april. Eigen post om fasteaksjonen på Bygland følgjer i veke 14.
Nesten 800 millionar menneske lever utan tilgang til reint vatn i verda i dag, på grunn av tørke, flaum, jordskjelv eller krig, men det er håp. Kirkens Nødhjelp arbeider både med akutt bistand i katastrofesituasjonar og langsiktige prosjekt for å redusere nød og fattigdom. Me jobbar for fred, rettferd, og for å redde liv.
Krigen i Gaza og Ukraina har prega nyheitsbiletet lenge. Samtidig går det føre seg ei rekkje store humanitære kriser som me knapt høyrer om, som krigen i Sudan. På toppen av dette ser me no dramatiske kutt i bistanden til verdas fattige frå den største bidragsytaren av alle, USA.
Det er lett å bli motlaus. Men det er nettopp i desse dagar me må samle alle gode krefter og gjere kva me kan for dei mest sårbare. Gjennom fasteaksjonen samlar me inn pengar til det livsviktige arbeidet som gjer det mogleg for Kirkens Nødhjelp å vere til stades for millionar av menneske som treng det mest.
Kirkens Nødhjelp sine nasjonale innsamlings konti:
- Vipps: 2426
- SMS: VANN til 2426 (300kr)
- Fasteaksjonskonto: 1594 22 87493
Bygland har eigen aksjonsdag tysdag 08. april. I år skal me ikkje gå rundt med bøssene i Bygland. I stedet for det satsar me på opplegg i regi av konfirmantene på aksjonsdagen. Bygland kjem til å bruke eigen konto for å samle inn penger, og sender summen vidare til Kirkens Nødhjelp. Gåver kan sendast til VIPPS nr. 545689.
Me skal legge ut post om programmet på Facebook og på kyrkja si heimeside i løpet av veke 14, og informerer om aksjonen i Setesdølen.